كلمة من القلب لشبيبة خلية التنظيم في المهرجان في دورته 36 :
يعطيكم الصحة والعافية على كل دقيقة تعب، وكل حركة، وكل ضحكة رسمتوها في وجوه الزوار والضيوف والمشاركين بفضل وسع بالكم، والتنظيم المزيان، والتنسيق اللي بينكم كإنكم عائلة واحدة، خرج المهرجان في أبهى صورة تشرف سيدي علوان والمنطقة كاملة.
أثبتم أنكم شباب يتقال فيه الكلام العسل، وقفتم وقفة رجال ونساء ونظمتوا المعارض والسهرات والندوات بكل احترافية وسعة بال. الكواليس كانت عبارة على خلية نحل حقيقية، بين الضحكة والخدمة والتضامن في أحلك الأوقات وأكثرها تعباً.اللي قدمتوه طيلة أيام المهرجان يعكس قداش تحبوا بلادكم.
بارك الله فيكم و يعطيكم الصحة واحد واحد، وبكم نكبروا ونفتخروا، وإن شاء الله ملتقانا في ملحمات وتظاهرات قادمة .
